"يا أيها الناس.....لقد جاءني مسجٌ جديد....أتعلمون أنه مسج....مسج.....اهع هع هع هع"
اللي فوق ده نغمة رسالة سمعتها في موبايل أخويا ، طبعاً واضح السخرية والاستهزاء باللغة العربية،
،بس ده مش كل حاجة ، في أنواع تانية من الإستهزاء ، مثلاً جملة شفتها على النت بتقول:
لو لم أكن مصرياً ، كان حيبقى قشطة قوي.
في الجملة دي استهزاء بالمقولة الأصلية من ناحية
واستهزاء بلغتنا العظيمة من ناحية تانية.
دول صورتين من صور كتير بتستهزء باللغة العربية
طيب ليه كده يا ترى؟ ايه السبب؟
افترضوا معايا بعض الأسباب:
1-البعد عن قراءة القرآن وبالتالي نسيان ألفاظ اللغة بشكل عام.
2-إنتشار اللغات الأجنبية (مش الانجليزية بس) بشدة في النصف الثاني من القرن الـ19 وده أدى للبعد عن لغتنا العربية بالتدريج.
3- من أهم الأسباب دخول العثمانيين لمصر واللي علمونا اللهجة العامية على ما اعتقد
انا مش هطول ده مش درس تاريخ.
طيب هل هي دي الاسباب بس؟
وهل الاسباب دي حقيقية؟
ولو
حتى لو مش حقيقية
مش المفروض ننتبه لنفسنا ولحالنا؟
مش المفروض ننسى الماضي ومنتأثرش بيه إلا للتعلم من تجارب اللي سبقونا؟
مش المفروض ننتبه للحاضر ونفكر في المستقبل؟
والأهم
مش المفروض نقرب من ربنا أكتر ونقرأ قرآنه؟
أقسم بالله العظيم لغتنا العربية كنز وكنز عظيم
والأعداء أدركوا ده للأسف وبدأوا في التأثير علينا
بدأوا في إبعادنا عن الكنز العظيم ده بالتدريج
انا في مرة قرأت مقولة اعتقد انها حقيقية:
قوة الأمة في انتشار لغتها
فهل ياترى لو رجعنا للغتنا الجميلة ولأصلنا
هل هيرجع الإسلام كسابق عهده؟
هل؟
السلام عليكم ورحمة الله وبركاته
لا إله إلا الله
ليست هناك تعليقات:
إرسال تعليق